बर्दिबास ११, खयरमारा निवासी हरी प्रसाद देवकोटाको घरमा आज राति करिब १ बजे भीषण आगलागी भएको छ। माउन्ट एभरेष्ट बोर्डिङ अगाडि रहेको देवकोटाको घरमा लागेको आगोले भान्साघर र गोठलाई पूर्ण रूपमा ध्वस्त बनाएको छ।
आगोको कारणले ठूलो क्षति भएको छ, तर स्थानीय बासिन्दा, प्रहरी, र दमकलको तदारुकताले देवकोटाको पक्की घरलाई भने जोगाउन सफल भएका छन्। आगलागीको कारण खोले पकाएर छोडिएको आगोले टिपेर सुरु भएको प्रारम्भिक अनुसन्धानले देखाएको छ। आगलागीले परिवारमा ठूलो आर्थिक र मानसिक क्षति पुर्याएको अनुमान गरिएको छ भने आर्थिक क्षतिबारे थप विवरण आउन बाँकी रहेको छ। यस घटनापछि स्थानीय प्रशासनले घटनास्थलमा पुगेर थप अनुसन्धान सुरु गरेको छ।