एयर इन्डियाले पुष्टि गरेको छ कि अहमदाबादबाट लण्डन ग्याटविकका लागि उडेको एयर इन्डिया उडान संख्या AI171 आज टेकअफ गरेपछि दुर्घटनामा परेको छ। बोइङ 787–8 विमानले स्थानीय समय अनुसार १३:३८ बजे अहमदाबादबाट प्रस्थान गरेको थियो।विमानमा कुल २४२ जना यात्रु र चालक दलका सदस्य सवार थिए। यसमध्ये यात्रुहरूको राष्ट्रियता यस प्रकार छ:१६९ जना भारतीय नागरिक५३ जना बेलायती नागरिक१ जना क्यानाडेली नागरिक७ जना पोर्चुगिज नागरिकदुर्घटनामा केही यात्रुहरू घाइते भएका छन् र उनीहरूलाई नजिकको अस्पतालमा लगिएको एयर इन्डियाले जानकारी दिएको छ। दुर्घटनाको विस्तृत विवरण हाल अनुसन्धानको क्रममा छ।यात्रुहरूका परिवार तथा सम्बन्धित पक्षका लागि एयर इन्डियाले समर्पित हटलाइन नम्बर 1800 5691 444 सञ्चालनमा ल्याएको छ, जहाँबाट थप जानकारी लिन सकिन्छ।एयर इन्डियाले यस घटनाको अनुसन्धानमा संलग्न सम्बन्धित अधिकारीहरूसँग पूर्ण सहकार्य गरिरहेको जनाएको छ। साथै, कम्पनीले आगामी सूचना आफ्नो आधिकारिक X (Twitter) ह्यान्डल x.com/airindia र वेबसाइट airindia.com मार्फत सार्वजनिक गर्ने जनाएको छ।