प्रधानमन्त्री पुष्पकमल दाहाल प्रचण्ड नेतृत्वको सरकारले १७ महिनापछि प्रधानमन्त्री तथा मन्त्रीहरूको सम्पत्ति विवरण सार्वजनिक गरेको छ। सामान्यतया प्रधानमन्त्री तथा मन्त्रीहरूले ६० दिन भित्र सम्पत्ति विवरण बुझाएर सार्वजनिक गर्ने प्रचलन छ। विवरण अनुसार प्रधानमन्त्री पुष्पकमल दाहाल प्रचण्डको खातामा प्रतिनिधि सभाको सदस्यको हैसियतमा प्राप्त २५ लाख रुपैयाँ रहेको उल्लेख छ। चितवनको भरतपुर महानगरपालिका वडा नम्बर १४ मा स्वर्गीय श्रीमती सीता दाहालको नाममा पैत्रिक सम्पत्तिबाट प्राप्त १४ कठ्ठा र अंशबाट प्राप्त एक कठ्ठा जमिन रहेको उल्लेख छ। यस्तै पैत्रिक स्रोतबाट प्राप्त ५ तोला सुन रहेको विवरणमा उल्लेख छ। मन्त्रीहरूको सम्पत्ति विवरणअनुसार २३ जना मन्त्रीमध्ये सबैभन्दा धनी उपप्रधान तथा भौतिक पूर्वाधार यातायात मन्त्री रघुवीर महासेठ देखिनुभएको छ। महासेठको विभिन्न ११ वटा बैंक खातामा २…
नेपाल पत्रकार महासंघले कान्तिपुर पब्लिकेशन्स् लिमिटेडका अध्यक्ष कैलाश सिरोहियालाई कान्तिपुर दैनिकको कार्यकक्षबाटै पक्राउ गरिएको घटनालाई गम्भीरतापूर्वक लिएको जनाएको छ । महासचिव रोशन पुरीले मंगलबार विज्ञप्ति जारी गर्दै आफूमाथि लागेको आरोपका सन्दर्भमा न्यायिक छानबिनमा सघाउने प्रतिबद्धता जनाएका सिरोहियालाई पक्राउ गरिएको घटना प्रतिशोधपूर्ण रहेको पुष्टि भएको जनाएका छन् ।‘सरकारका उपप्रधान तथा गृहमन्त्री रवि लामिछानेमाथि लागेका विभिन्न आरोपका सन्दर्भमा निरन्तर समाचार फलोअप गर्दै आएको कान्तिपुर दैनिक, त्यसको सम्पादकीय नेतृत्व तथा समग्र सञ्चार क्षेत्रलाई लाञ्छित गर्नेगरी उपप्रधान तथा गृहमन्त्री लामिछानेले दिएका अभिव्यक्तिहरूले अध्यक्ष सिरोहियालाई पक्राउ गरिएको घटना प्रतिशोधपूर्ण रहेको पुष्टि गरेको महासंघको ठहर छ,’ विज्ञप्तिमा भनिएको छ ।
श्रम, रोजगार तथा सामाजिक सुरक्षा मन्त्रालयले नेपाली नागरिकको श्रम यात्रा र रोजगारीका बहुआयामिक आवश्यकतालाई एकद्वार प्रणालीद्वारा सम्बोधन गर्ने उद्देश्यले ‘श्रमाधान रोजगार मेला’ आयोजना गर्ने भएको छ।मन्त्रालयले मंगलबार पत्रकार सम्मेलन गरी रोजगारीको खोजीमा रहेका व्यक्तिको रोजगारदातासमक्ष सहज पहुँच अभिवृद्धि गर्ने लक्ष्यसहित मेला आयोजना गर्न लागिएको जनाएको हो। श्रममन्त्री डोलप्रसाद अर्यालले मन्त्रालयले आयोजना गर्न लागेको प्रदेशस्तरीय मेला सुरुआत मात्रै भएको र यसले रोजगारीको खोजीमा रहेका नागरिकलाई रोजगारदातासमक्ष सहज रूपमा पुग्न सहज हुने विश्वास व्यक्त गरे। उनले आगामी दिनमा मेलालाई जिल्ला, स्थानीय र वडासम्म पनि पुर्याउन सकिने बताए।
काठमाडौं, – एक महत्वपूर्ण घटनामा, कान्तिपुर मिडिया समूहका अध्यक्ष र प्रबन्ध निर्देशक कैलाश सिरोहियालाई धनुषा प्रहरीले पक्राउ गरेको छ। यो गिरफ्तारी सिरोहियामाथि लागेका नागरिकता सम्बन्धी विवादका आरोपहरूसँग सम्बन्धित छ, विशेष गरी उनलाई दुईवटा नागरिकता प्रमाणपत्र राखेको आरोप लगाइएको छ। सिरोहियाले यी आरोपहरू दृढतापूर्वक अस्वीकार गर्दै भनेका छन् कि उनीसँग मात्र एक वैध नागरिकता प्रमाणपत्र छ। उनले स्पष्ट पारे कि मूल प्रमाणपत्र २०३४ साल (१९७७ ईस्वी) मा जारी गरिएको थियो, र २३ वर्षपछि यसको प्रतिलिपि प्राप्त गरेका थिए। Pic: NPL यो मुद्दाले कानुनी परिणामहरू मात्र नभई सिरोहियाको नेपालको मिडिया उद्योगमा प्रभावशाली स्थानका कारण पनि व्यापक ध्यान आकर्षित गरेको छ। देशका प्रमुख मिडिया समूहमध्ये एकका प्रमुखको रूपमा, उनको गिरफ्तारीले मिडिया स्वतन्त्रता र…
हाल नेपालमा स्थानीय वायु, पश्चिमी वायु र विहार आसपास रहेको न्युनचापीय प्रणालीको आंशिक प्रभाव रहेको छ। हाल मौसमको अवस्था देशका पहाडी भू-भागमा आंशिक देखि साधारणतया बदली रही बाँकी भू-भागमा मौसम आंशिक देखि मुख्यतया सफा रहेको छ। कोशी ,मधेश र लुम्बिनी प्रदेशका थोरै स्थानहरुमा मेघगर्जन/चट्याङ्ग सहित हल्का वर्षा भइरहेको छ ।२०८१ जेठ ०८ गते (मंगलवार)दिउँसोː देशभर आंशिक देखि साधारणतया बदली रहने छ। कोशी र लुम्बिनी प्रदेश लगायत देशको पहाडी भू-भागका केही स्थानहरूमा तथा तथा देशका भू-भागका एक-दुई स्थानमा मेघगर्जन/चट्याङ्ग/हावा हुरी सहित हल्का देखि मध्यम वर्षाको सम्भावना रहेको छ। देशको उच्च पहाडी तथा हिमाली भू-भागका थोरै स्थानहरूमा हल्का हिमपातको सम्भावना रहेको छ।रातीː देशका पहाडी भू-भागमा आंशिक देखि साधारणतया बदली रही बाँकी भू-भागमा…